History

Ekyaapa kino , ke kabonero akakulu aka United Church eya Canada, akateekebwa ku buli kiwandiiko, okusiigibwa, okukuba satifikeeti, ne layiseensi ez’amasakramentu. Kyatondebwa Rev. Dr. Victor T. Mooney ( Omuwanika wa United Church), era nekitongozebwa mu lukungaana olw’ekkumi n’olumu lwe baayita General Council mu 1944.

* See the Guidelines for Use if you are interested in using this image.

Eri Abakkiriza mu Kkanisa yaffe, e kyaapa kino kya mugaso nnyo mu byafaayo; era ne mu kutujjukiza eby’omwoyo. Endabika yaakyo eva mu kifaananyi kya kyenyanja: akabonero k’abakkiriza abatusooka. Ebigambo “Yesu Kristo, Mwana wa Katonda, Omununuzi” biva mu kigambo e KiGereeki ekitegeeza e Kyenyanja.

Ekyaapa kino kyakolebwa mu kwefaanaanyiriza Omusaalaba gw’Omutukuvu Andrea nga mulimu enyukuta X mu nsonda zaagwo nnya. X wakati, ke kabonero akalaga Kristo. Endala essatu zikikirira enkungaana ssatu; Congregational, Methodist, ne Presbyterian-abegatta okufuuka United Church eya Canada mu mwaka 1925.

• Baibuli Embikule ekiikirira amakanisa agakungaana nga essiira liri ku mazima ga Katonda agafuula abantu ab’eddembe. Mu kukungaana kuno mwe tujja ensikirano ye ddembe ly’okulaanga, okwagala kw’omwoyo, n’okumanya amaanyi ag’ekitalo agali mu Mwoyo Omutukuvu.
• Enjiibwa, kabonero ka Mwoyo Mutukuvu (Mariko 1:10), era amaanyi ga Mwoyo Mutukuvu gabadde kabonero akanyweeza enzikiriza yaba Methodist. Ensikirano yaffe etambulira mu maanyi g’Evanjiri, okufaayo ku bulokozi bw’abantu, okukungaana kw’abakristu, n’okuwa obujulizi mu Mwoyo, awamu ne nyiimba z’omwoyo.
• Ensiko ebumbujja omuliro ke kabonero aka b’enzikiriza ye ki Presbyterian. Kyaava ku nsiko eyabumbujja omuliro netasirikka.(Kuva3:2) Kyesimbika mu butasirikkibwa bw’e Kanisa. Mu ba Presbyterian, twafuna ensikirano essa omutindo ogw’amaanyi mu kusiinza, okusomesa abantu amaanyi g’enjiri, ne Kkanisa ng’Omubiri gwa Kristo.
• Obubonero Alpha ne Omega ekyemaanga, ze nyukuta ezikulembera ne ziseemba mu nyukuta za ba Gereeki. Zitegeeza Katonda omulamu, mu bujjuvu bw’obutonde. (Okubikulirwa 1:8)

Ebigambo mu lu Latini: ut omnes unum sint, ebyetooledde obubonero ku kyaapa, bitegeeza “Nti bonna babeere omu”; era byaava mu Yohanna 17:21. Bitujukiza nti tuli bagatte ate era e Kkanisa egatta.

Mu 1980, kyayisibwa nti United Church of Canada mu lulimi Olufaransa kyongezebweeko ku kyaapa nti: L’Eglise Unie du Canada.